[ندعوك للتسجيل في المنتدى أو التعريف بنفسك لمعاينة هذه الصورة] شكرا شهرزاد كلا الكلام الحلو أخجلتيني
ويسلمو على التحلاية والعصير ويتمنى أكون ضيفة خفيفة عليكم

سؤآلي الأول

أنتِ بالنسبة لي شخصية مبهمة ، فلتعرفيني على نفسك بشيء من دوآخلك ..؟؟
بالعكس شخصيتي واضحة سهل إنو أي شخص يقرأها يعني بنوتة فلسطينية طبيعية يمكن حساسة زيادة حبة بحب الحياة بحب المرح برغم كل شي في الدنيا لكن بحب الضحكة على وجوه الناس


سؤآلي الثآني
حيآتنآ هي مشوآر طويل ،، فهل لكِ أن
تنثري لنآ مشوآر حيآتك في سطور ..؟؟

حياة فيها الفرح والترح ،ما بحب أزكر الماضي كيف ما كان يكون ماضي وانتهى انا بنت اليوم
يعني درست ونجحت وتعلمت وووبس


سؤآلي الثآلث
مآبين الخيآل والوآقع ، هنآك أمنيآت ؛
مآذآ حققتِ منهآ ، ومآذآ لم تحققي ..؟؟

أمنياتي كتيرة كنت وانا أصغر من هيك أحلم اني اكمل جامعة والحمد لله كملت وكانت مرحلة حلوة بحياتي
وبتمنى من الله انو يحققلي كل شي بتمناه ولو إلي خير بإشي بيصير ان شاء الله


سؤآلي الرآبع

عآلمك الخآص ، قصة لآ يجرأ أحد
على رسم ملآمحهآ غيرك
هل قآبلت يومآ شخصآ قرأ ملآمحك ،، وسكن بأفكآرك ..؟؟

كشخص انو خطيب أو زوج فالحمد لله لسة ، لكن كصديقة او أخت أكيد عندي أختي الكبيرة الله يخليلي إياها
وصديقاتي كتييييير بيفهموني وبيكملوني والحمد لله


سؤآلي الخآمس
الصدآقة كنز ثمين ، لمن يعرف قدرهآ ؛ هل
وجدتِ في حيآتك من يستحق صدآقتك .. ؟
من هو ..؟؟ وكيف تعرفت عليه ..؟؟

الحمد لله وجدت ، انا حياتي صديقاتي يعني لوماهم بحياتي ولا كان زمان أكلني الملل والزهق عندي صديقاتي تنتين من ايام المدرسة هدول نص مني ،ونصي التاني صديقاتي تنتين من الكلية وبحبهم أكتر من نفسي


سؤآلي السآدس

ولدنآ في الحيآة بأب وأم ، هل
لعآئلتك تأثير في تصرفآتك بمعنى هل هم سبب فرحك أو حزنك ..؟؟

أكييييد ،بصراحة كانو سبب التنين بحياتي صحيح إلهم الفضل انهم أنشئوني نشأة الحمد لله وأخلاق إلتزمنا فيها بس بردو كان إلهم دور كبير بحزني بس انا من النوع إلي بيكره الحزن لهيك بنسى


سؤآلي السآبع

مآذآ لو فآرقتِ الحيآة ، هل لك
رصيد في الدنيآ ، يجعلك تهنئين في قبرك ..؟؟

ان شاء الله يكون فيه إلي رصيد كبير ،دايما بسأل نفسي إزا انا بعمل منيح بحياتي رغم صغر سني بس بتمنى انو إمي وأبويا يكونو راضيين عني وهادا أهم رصيد بالدنيا


سؤآلي الثآمن

لكل منآ طموح ، وهناك غرور الذآت
أيهمآ كآن سببآ في دفعكِ لتحقيق أحلآمك ..؟؟

السبب كان الطموح الحلم الرغبة في الوصول للهدف والحمد لله


سؤآلي التآسع
هل تلقيتِ يومآ صدمة ، من شخص لم تتوقعيهآ منه
إذآ لم يكن فيهآ حرج ، إذكري لنآ الموقف ..؟؟

ما فيه موقف محدد لكن لما فتت عالم الجامعة بدأت أعرف الناس منيح كنت أفكر في البداية انو كل الناس طيبة لكن اكتشفت العكس


سؤآلي العآشر

هنآك لغة للقلوب لآيفهمها ولآ يحسهآ سوى الشخص نفسه ،
هل وجدت في حيآتك من يفهمك ..؟؟ من هو ؟؟ولمآذآ منحته ثقتك..؟؟

منحت ثقتي لصحباتي ومنحتها إلهم لأنهم دايما جنبي بفرحي وبحزني الله يخليلي إياهم


سؤآلي الحآدي عشر
ثقتي غالية لأمنحهآ إلآ لمن يستحقهآ
هل ندمتي يومآ كونك منحتي ثقتك لمن لم يقدرهآ ..؟؟

امممم يمكن يعني هلقيت صرت أحسب ألف حساب قبل ما أعطي ثقتي لحدا
يعني لفيت الناس غير ومش الكل واحد


سؤآلي الثآني عشر

غمرة اليأس تسلب منآ الأنفآس
،، هل تمكن اليأس منك مرة ،،
صفي لنآ الموقف ،، ولتخبرينآ كم مرة تمنيت
الموت في حيآتك لأجل يأس سكن نفسك ..؟؟
بصراحة مرة اتمكن مني ويمكن اكتر من مرة بس ما بقدر اوصف الموقف
وكنت وانا صغيرة كتير اتمنى الموت بس لما كبرت فهمت الدنيا أكتر وصرت أكتر حكمة شوي

سؤآلي الثآلث عشر

الربح والخسارة كلمتآن متنآقضتآن ،، هل خسرتي يومآ شيئآ استحققته بجدآرة ،،
وهل ربحتي يومآ شيئا لم يكن لك الحق فيه ..؟؟ صفي لنآ موقفك حيآلهمآ ..؟؟

لا ،يعني كل شي نصيب واكيد لو خسرت إشي يبقى مش من نصيبي ولو ربحت إشي أكيد يبقى من نصيبي والانسان لما بيربح إشي بيربحو عشان بيستحقو

سؤآلي الرآبع عشر
منتدى زهرة العلآ مآذآ يعني لك ..؟؟
مكآن للتسلية ،، متنفس لأفكآرك
أم دنيآ أخرى تحآكي فيهآ عآلم تتمنى لو
تعيشينه ..؟؟
يعني هوا متنفس للأرواح لطرح ما يجول بخاطري ومشاركة الاخرين بكل ما لديهم


سؤآلي الخآمس عشر
كلمآت سأختآرهآ لك فلتعبر عنهآ باسم شخص
في حياتك

الأمآن/ وطني
الحب/ أهلي
التضحية/
الوفآء/صحباتي
الثقة/لنفسي
الغرور/ ممسوح من حياتي
النفاق/الزمن
العطآء/ أمي

من
هو الأقرب لـ .. لقلبك /لقلبي كل شخص بيحبني فهو قريب من قلبي
لقلمك /دفتري
لعقلك /البرنسيسة


وكلمآت سأختآرهآ لتعبري لنآ عنهآ بموقف في حيآتك..؟؟

الودآع /اكتشفت معناها جديد لما ودعت أعز ناس عندي ، زي لما خلصت كلية وودعت صحباتي ويا رب نجتمع تاني
البكآء/للأسف ببكي كتير احيانا بكره هالاشي فيا وبيحكولي اني حساسة زيادة ومواقف البكاء كتيرة يعني اخر موقف كان قبل فترة زعلت من صحبيتي وبكيت بصراحة
الأمل/بتمنى إنو ربنا ما يخيب أملي في الدنيا وانو ألاقي منها المنيح أملي انو تتحقق احلامي
الصدآقة/ أحلى إشي بالدنيا بجد بس تكون نابعة من القلب وتكون مبنية على الوفا

وأخيرآ
بآقة ورد لمن تهديهآ ..؟؟
بهديها لكل شخص بيحبني وبيحترمني وبيقدرني ،وبهديها لكل المنتدى وبالأخص إلك شهرزاد ولزهورة العسولة

إلى هنآ توقف مدآد قلمي ..وعذرآ إن أثقلت عليك بأسئلتي ..!!


قبل رحيلي


بصدق وصرآحة مآ رأيك في كآتبة هذه العبآرات ..؟؟
مجرد تقييم لشخصي ولقلمي وفكري .. أتمنى لو تسطريه هنآ
طبعا كل شي منك حلو شهرزاد ماشاء الله عليكي بتتميزي بالكلام الرائع والشعر الجميل والفكر المعطاء
الله يديمك للمنتدى ولأهلك ..
ويارب ما أكون تقلت عليكم وتحياتو للجميع
[ندعوك للتسجيل في المنتدى أو التعريف بنفسك لمعاينة هذه الصورة]

هلا البنت الدلوعة مشكورة على الأسئلة


ماذا تفتقدي من أيام الطفولة..؟؟
كل إشي يا ريت الواحد فيه يضل صغير يعني الانسان لما يكبر بتزيد معو الهموم والمسؤوليات اما وهوا صغير بيكون برئ بالو مرتاح الله يرحم أيام الطفولة


عادة يومية لا تتخلي عن القيام بها..؟؟
طبعا إني أقعد على النت هادا لازم وبشكل يومي


هل يراودكِ بـ إستمرار الحنين إلى الماضي..؟؟
لأ ، يعني ما كان الماضي هالشئ الجميل حتى أرجعلو

/ ماذا يعني لك تضااارب المشاعر بين الامل والخوف
بخاف أأمل نفسي بإشي أو اتمناه وبنفس الوقت بخاف من بكرة عشان هيك ما بحب أتمنى إشي من خوف انو ما يحصل


س / ماذا تعني لك الحدود التي وضعها لك المحيطين بك
لازم يكون فيه حدود بحياة الانسان يعني فيه الصح وفيه الغلط بس انا شايفة انو الحدود إلي قدامي ما بتمنعني من إشي يعني فيه حرية لكن بحدودها وانا بحترم هيك حرية

رأيك بحصر السعادة بأشخاص ،،، و ان حصل التغيرر للأفضل بسبب شخص
وفجأة اصبح سراااب !! كيف تكون حياتك بعده ؟
صعب إني أتعلق بشخص وأفقده صعب كتير عندي لأني لما أتعلق بإشي بعطي من جواتي بكل ما فيا فما بتخيل مسلن بيوم لو فقدت وحدة من صحباتي عشان هيك بيحكولي اني حساسة زيادة