الرئيسيةالمنشوراتأحدث الصورالتسجيلدخول

شاطر | 
 

 طريقة عمل الأكسسوارات المميزة .

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
انثى يخجل منها القمر

طريقة عمل الأكسسوارات المميزة . 8
انثى يخجل منها القمر

●○آلجِنسْ : انثى
●○مڛآهُمآتـﮯ : 2538
●○ تَقْييمـِﮯ : 43

طريقة عمل الأكسسوارات المميزة . Empty
مُساهمةموضوع: طريقة عمل الأكسسوارات المميزة .   طريقة عمل الأكسسوارات المميزة . Emptyالخميس 3 مارس - 17:59

طريقة عمل أسوارة من الخرز بطريقة مبتكرة ومميزة ...

[ندعوك للتسجيل في المنتدى أو التعريف بنفسك لمعاينة هذه الصورة]

الأول دي الحاجات اللي هنحتاجها


[ندعوك للتسجيل في المنتدى أو التعريف بنفسك لمعاينة هذه الصورة]

سلك نحاس

حلقتين صغيرين زي اللي في الصورة

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

أهيه


[ندعوك للتسجيل في المنتدى أو التعريف بنفسك لمعاينة هذه الصورة]

الحاجات دي بقى منيييين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين


[ندعوك للتسجيل في المنتدى أو التعريف بنفسك لمعاينة هذه الصورة]

ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر


[ندعوك للتسجيل في المنتدى أو التعريف بنفسك لمعاينة هذه الصورة]

نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر

[ندعوك للتسجيل في المنتدى أو التعريف بنفسك لمعاينة هذه الصورة]

بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين


[ندعوك للتسجيل في المنتدى أو التعريف بنفسك لمعاينة هذه الصورة]

=============================

[ندعوك للتسجيل في المنتدى أو التعريف بنفسك لمعاينة هذه الصورة]

وبرضه هنستخدم الزرادية اللي قلتلكوا عليها قبل كده

عشان نقدر نتني السلوك بتاعتنا بالشكل المظلوب زي ما هتشوفوا معايا

بعد كده الحاجات اللي هنستخدمها كالتالي

[ندعوك للتسجيل في المنتدى أو التعريف بنفسك لمعاينة هذه الصورة]

سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز

أو ممكن نعملهم بإيدينا بالسلك

خرز أحمر اتنين كبار و 12 حجم أصغر

سلوك على شكل دبابيس بس هي مش مدببة من تحت عادية مش بتشوك

هنجيب منهم 14 واحد

ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


الأول هشرحلكوا طبعا على فردة واحدة من الحلق واعملوا التانية زيها

هنجيب واحدة من السلسلتين

ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده


[ندعوك للتسجيل في المنتدى أو التعريف بنفسك لمعاينة هذه الصورة]

بعدها نجيب الدبابيس (الغير مدببة)

ونحطها في الخرز زي مانتوا شايفين كده وبعدين من الناحية التانية نتنيها

ونخليها على شكل حلقة

وطبعا لو طلعت طولة شوية نقصها بالزرادية


[ندعوك للتسجيل في المنتدى أو التعريف بنفسك لمعاينة هذه الصورة]

بعد كده هنحط الخرزة الكبيرة في السلسلة في الجزء الأطول

بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

وبعدها نبدأ نوزع باقي الخرز الصغير زي ماحنا شايفين كده

طبعا الحلقة بتاعت الخرزة كانت مفتوحة شوية بعد مانركب الخرز في السلسلة

نبدأ نقفل الحلقات دي كويس بالزرادية


[ندعوك للتسجيل في المنتدى أو التعريف بنفسك لمعاينة هذه الصورة]

==============================

هو عبارة عن ميدالية ممكن تتحط في قلم زي كده


[ندعوك للتسجيل في المنتدى أو التعريف بنفسك لمعاينة هذه الصورة]

أو حتى نحطها في الموبايل


نبدأ كالعادة بالخامات اللي هنستخدمها معانا


[ندعوك للتسجيل في المنتدى أو التعريف بنفسك لمعاينة هذه الصورة]

هنجيب سلسلة باللون الدهبي أو الفضي زي ماتحبوا

بس طبعا المهم لون السلسلة يكون نفس لون الأسلاك اللي هنستخدمها

وهنستخدم مجموعة من الخرز الشفاف زي الموجود في الصورة
بمختلف أحجامه

اتنين لونهم موف كبار

ومجموعة ألوان على زوقكوا حجمهم أصغر شوية

ومعاهم خرزتين زي اللي استخدمناهم في الحلق

واتنين غيرهم برضه بشكل هندسي كده زي مسدس هندسي زي مانتوا شايفين في الصورة

وغيرهم ست خرزات لونهم دهبي على شكل وردة زي ماحنا شايفين في الصورة برضه

وفاكرين الدبابيس الغير مدببة اللي قولنا عليها قبل كده؟؟

هنستخدمها بس حجم أكبر شوية

وهنسخدم كمان قطعة اكسسوار دهب جواها زي جلد اسود أو كاوتش

عشان نلفها على أي حاجة عايزينها سواء سلسلة صغيرة للموبايل أو على القلم

ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات

ومع الخامات دي هنستخدم مجموعة أدوات تسهل علينا شوية في تشكيل المعادن

أولها طبعا الزرادية وغير كده كمان حاجة شبه البنسة برضه بس أساسها كاتر

يعني بتقطع المعادن وشكلها زي الصورة دي

لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده

وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات


[ندعوك للتسجيل في المنتدى أو التعريف بنفسك لمعاينة هذه الصورة]

ودلوقتي نبدأ مع بعض


نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده هنجيب السلك وندخله في ناحية من الاكسسوار بتاعنا

وبعدين نلفه على السلك الناحية الأولى بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

الجهة التانية من السلك اللي مش مربوطة بالاكسسوار طبعا هنربطها بالسلسلة

اللي عملناها بالخرز في الأول

وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه

واللي هيتم ربطها بالسلسلة

[ندعوك للتسجيل في المنتدى أو التعريف بنفسك لمعاينة هذه الصورة]وفي النهاية بيكون شكلها كده بعد مانحطها على القلم بتاعنا


[ندعوك للتسجيل في المنتدى أو التعريف بنفسك لمعاينة هذه الصورة]

وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا


============================
حلق شكله جديد موت

[ندعوك للتسجيل في المنتدى أو التعريف بنفسك لمعاينة هذه الصورة]

وكالعادة هنبدأ بالخامات اللي معانا

أول حاجة معانا هنجيب سلكين معدن أتخن من اللي استخدمناهم قبل كده
تخنه اتنين مللي تقريبا أو مللي ونص

[ندعوك للتسجيل في المنتدى أو التعريف بنفسك لمعاينة هذه الصورة]

عشان نعمل بيهم الشكل الأساسي للحلق اللي معانا

ومعاه الحلقتين أو المعدنين اللي بيتركبوا في أي حلق عشان نلبسه في ودننا

وزي ماقلت قبل كده ممكن نشتريهم جاهزين أو نعملهم بادينا بالزرادية

بعد كده هنحتاج خرزتين على شكل اسطوانة صغيرة زي اللي في الصورة

وأربع خرزات صغيرين باللون الدهبي

ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن


[ندعوك للتسجيل في المنتدى أو التعريف بنفسك لمعاينة هذه الصورة]الجديد دلوقتي هو الشاكوش (شاكوش؟؟)

أيييوة


[ندعوك للتسجيل في المنتدى أو التعريف بنفسك لمعاينة هذه الصورة]

شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه

يعني لو مالقيتوهوش مش مشكلة أي شاكوش وخلاص

ومعاه قطعة معدن عشان ندق عليها السلك اللي هنشكله

طبعا لو عندكوا بدالها ترابيزة متينة (مش محتاجينها [ندعوك للتسجيل في المنتدى أو التعريف بنفسك لمعاينة هذه الصورة] ) مافيش مشكلة



نيجي للطريقة

هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي


[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نبدأ نتني السلك ونركب فيه الخرز بتاعنا

زي الصورة كده


[ندعوك للتسجيل في المنتدى أو التعريف بنفسك لمعاينة هذه الصورة]وبعد مانحط الخرز في السلك نبدأ نلفه من طرفه التاني

عشان يقفل على الخرز بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة

أكيد هيبقى شكله ملخبط وملوي من كل حتة والحلزونة جاية يمين ورايحة شمال

هنبدأ ندق عليها بالشاكوش عشان تتفرد وشكلها يتظبط

كأننا بنكويها يعني

[ندعوك للتسجيل في المنتدى أو التعريف بنفسك لمعاينة هذه الصورة]


في النهاية بيكون ده شكل الحلق

[ندعوك للتسجيل في المنتدى أو التعريف بنفسك لمعاينة هذه الصورة]

والطريقة بسيطة وسريعة في نفس الوقت يعني مافيش أحلى من كده



[ندعوك للتسجيل في المنتدى أو التعريف بنفسك لمعاينة هذه الصورة]

نقلته لعيونكم
الرجوع الى أعلى الصفحة اذهب الى الأسفل
غادة العرب
 
 
غادة العرب

●○آلجِنسْ : انثى
●○مڛآهُمآتـﮯ : 1308
●○ تَقْييمـِﮯ : 2

طريقة عمل الأكسسوارات المميزة . Empty
مُساهمةموضوع: رد: طريقة عمل الأكسسوارات المميزة .   طريقة عمل الأكسسوارات المميزة . Emptyالخميس 3 مارس - 18:24

واو كتيير حلوة وأنيقة الاكسسورات دي وطريقة شغلها كتيير سهل يسلمو يا قمراية
الرجوع الى أعلى الصفحة اذهب الى الأسفل
انثى يخجل منها القمر

طريقة عمل الأكسسوارات المميزة . 8
انثى يخجل منها القمر

●○آلجِنسْ : انثى
●○مڛآهُمآتـﮯ : 2538
●○ تَقْييمـِﮯ : 43

طريقة عمل الأكسسوارات المميزة . Empty
مُساهمةموضوع: رد: طريقة عمل الأكسسوارات المميزة .   طريقة عمل الأكسسوارات المميزة . Emptyالخميس 3 مارس - 18:33

اهلا غادة العرب
منورانى بمرورك الحميل
لا تحرمينى من طلتك الرائعة
تحياتى
الرجوع الى أعلى الصفحة اذهب الى الأسفل
انتقام الورد
 
 
انتقام الورد

●○آلجِنسْ : انثى
●○مڛآهُمآتـﮯ : 3093
●○ تَقْييمـِﮯ : 37

طريقة عمل الأكسسوارات المميزة . Empty
مُساهمةموضوع: رد: طريقة عمل الأكسسوارات المميزة .   طريقة عمل الأكسسوارات المميزة . Emptyالسبت 5 مارس - 19:10

تسلمي انثى كتير حلوين وسهلين
دمــــــــت متألقة بوركـــتـــــــي...
الرجوع الى أعلى الصفحة اذهب الى الأسفل
انثى يخجل منها القمر

طريقة عمل الأكسسوارات المميزة . 8
انثى يخجل منها القمر

●○آلجِنسْ : انثى
●○مڛآهُمآتـﮯ : 2538
●○ تَقْييمـِﮯ : 43

طريقة عمل الأكسسوارات المميزة . Empty
مُساهمةموضوع: رد: طريقة عمل الأكسسوارات المميزة .   طريقة عمل الأكسسوارات المميزة . Emptyالسبت 5 مارس - 21:51

اهلا انتقام الورد
انتى اجمل يا قمره
نورتى بطلتك الرائعه
تحياتى
الرجوع الى أعلى الصفحة اذهب الى الأسفل
 

طريقة عمل الأكسسوارات المميزة .

استعرض الموضوع التالي استعرض الموضوع السابق الرجوع الى أعلى الصفحة 

 مواضيع مماثلة

-
» مجموعة من الكتب المميزة في التنمية‎ الذاتية
» طريقة عمل القطايف
» طريقة عمل البيتزا
» دمى مع طريقة العمل
» طريقة عمل الكبة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زهرة العلا :: Fashion design :: {..آلأشغآل آلفنيۃ-
©phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | آخر المواضيع