اوك بدنا سؤال جديد

والله الصبايا نايمين مع رمضان يلا صحصحو صبايا وبدنا سؤال حلو
طيب شو رأيكم نحكي بموضوع انو البنت تكمل دراستها وترفض الزواج لبعد ما تخلص لكن بعد ما تخلص بيحكو عنها كبرت وراحت عليها مع انو بيكون سنها السن المناسب للزواج وفيه كتير كلام بيصير ،
شاركونا يا صبايا بهيك موضوع وازا عندكم شي من الواقع يا ريت تفيدونا وخلينا نعتبر
بإنتظار ردودكم

هي حرية شخصية للبنت

و لا شوو رايك ..؟؟

يسلمو برنسيسة

طبعا حرية شخصية دلوعة ولو مش حريتها كان ما استمرت وكملت دراستها
بس المشكلة مش هان المشكلة بالمجتع وبكلام الناس

طيب وين الصبايا يلا بدنا همة
بدنا موضوع جديد

اممم بدكم سؤال جديد

[ندعوك للتسجيل في المنتدى أو التعريف بنفسك لمعاينة هذه الصورة]

ما في عندي خلصووا

وينك روزز بدنا سؤال

عنجد بدنا سؤال جديد
وينكم يا جماعة
انا مش مصحصحة
وخلصوا أسألتي
يلا برنسيسة انتي ام الاسئلة وروز كمان

امممممممم طيب يا صبايا
انا اجى على بالي سؤال
ليش الشباب بيستغربو من أفعال البنات كتير ، يعني لو شافوها بتهتم بحالها بيحكو البنات عقلهم صغير ،لو خافت على وزنها بردو نفس الشغلة ، وفيه منهم بيصيرو يحكو انو بس اهتامهم الجمال ، مع انو لما بيتزوجو بيحبو انو زوجتهم تكون مهتمة بحالها وكسم ورسم وغيرو وغيرو ،ولاحظت بمعظم المنتديات انو بتلاقيهم بيعلقو عالبنات
فشو رأيكم بهيك شي
وشو رأيكم بإهتمام البنت بحالها

مشكورة برنسيسة على سؤالك
ولازم الاهتمام بالشكل من وجهة نظرى
بس بردو لازم نهتم بقلوبنا من جوا

طيب انا عندى موضوع
شو رايكم بتكونى قاعدة او نايمة
وفى أمان الله
ما بتلاقى الا باب غرفتك او بيتك
بيندق والى دق فات
يعنى بيدق بس مجرد تأدية واجب
واول شي بتقلك
محنا بنات زى بعض
يعنى عادي لو تشوفك بلبس مو لازم تشوفك فيه
ولشو الخجل؟ هاد الرد منها
شو رأيكم بنات بدي تفاعل
تحياتي الكم

موضوع حلو يا روز الورد
وبصراحة انا بخجل من هيك شي يعني الوحدة ممكن تكون حابة ترتب حالها او بتكون لابسة لبس ما بيليق بضيف حتى لو كانت بنت متلي متلها ،يعني والله الوحدة بتنحرج وبتكوني وانتي قاعدة مش مرتاحة وحاسة حالك مبهدلة ، يعني شو فيها لو استنت شوية عبين ما صاحبة البيت تأزنلها بكون أحسن ومنعا للاحراج


يسلمو روز عالموضوع وبجد وجهة نظر بردو
تقبلي تحياتي

اكيد صحيح كلامكم

بس يعني لازم تكمل واجبها وتنطر لحد ما تسمح الها تفوت الغرفة

بالنهاية هي شي عيب يعني

يسلمو روز على السؤال

لااااا..
هيك بتصير تقلة دم كتيير
يعني في اشي اسمه زوء
شو هادا يدق ويدخل
لا والله من مرة بعطيه المفتاح وبيضل داخل طالع
الواحد لازم يكون عنده زوء وأدب في التعامل
لأنه في خصوصيات للناس
وبردوا في حدود .
يعني لأأبسط اشي بنقوله ...هادا عييييب!!
ومش تصرف حدى بيفهم

يسلمو روز ع الموضوع

شوووو وين الصبايا

نعسانين الصبايا
شو رايك تفكرى بموضوع وتطرحيه
ناطرينك

اه والله نعسانين خلص ولا يهمك راح افكر بموضوع وبطرحه ان شاء الله عن قريب
وازا فكرتو وطلع معكم اشي احكي ما تخجلو هههه

عندي موضوع بعتقد إنو مهم
أكيد أغلب الصبايا معهم
تلفونات محمولة
وخاصة فيهم
سؤالي الكم

لو دق عليكي رقم غريب
بتردي ولا لاء؟؟
أسمع آراءكم

موضوع حلو يا روز وحلو النقاش فيه

لا عادي برد ، لأنو لو انا مش متحملة مسؤولية الجوال إلي حملاه فليش حملاه لكن لو هادا الرقم الغريب تمادا ، ولقيت انه فيه اشي غلط وقتها بتصرف تصرف تاني بحكي لأخويا مسلا فيه رقم مغلبني ، أما مش لدرجة اني أخاف من أي رقم غريب

ولا شو رأي الصبايا

انا بالنسبة إلى لو بدو ينطق الجوال
ولا يمكن أرد على رقم ما بعرفه
إلى بدو يكلمني من رقم غريب
يبعت مسج قبل وبرد
غير هيك لااا
لانه بجد في ناس
اللهم عافينا
منورات صبايا
الله يوفقكم

اممم بالنسبة الى عادى برد كتير من صحباتى بيتصلو من رقم غريب

ومرات بيكون النمرة غلط
ومرات فى ناس بتتهابل بس عادى صارت معى قبل هيك سكرى الجوال وماتردى عادى بيزهقو وبيبطلو
حلو الموضوع بانتضار الجديد
تحياتى

اممم
سؤال حلوو..

أنا من جهتي برد
على رقم غريب ..
يعني متل ما قالت دلوعة
ممكن تكون وحدة من صحباتي
بس ازا لا طبعا بسكر الخط

مرحبا يا صبايا المنتدى
زمان ما طرحنا موضوع نتناقش فيه
وأجا على بالي موضوع ، وإللي جابه على بالي موضوع صدى الرياح بأنثرها وابتسم واسمه مطالب بسيطة للبنات
إللي بدها سيارة والشقة والدهب وغيره وغيره ، والمصيبة انو شباب البلد يلا يلا ياكلو ، احنا بنحكي الواقع طبعا
فبدي أشوف رأيكم بهيك موضوع ، يعني صرت أشوف بالايام هادي انو البنت عندها تاخد واحد جيبه مليان لكن مش متعلم ، ولا انها تاخد واحد متعلم لكن جيبه على قده وساتر حاله ، بصراحة كتير بيلفتني هادا الموضوع
ويا ريت أشوف رأيكم فيه ، وكمان يا ريت تحكو انتو شو طموحكم او كيف بتحبي يكون زوجك المستقبلي ؟؟؟


بإنتظار مشاركة كل الصبايا وبكل صراحة

اممم والله الموضوع حلو برنسيسة عشان تعرفى كيف انا بس ههههه


بالنسبة الى انا عادى والله المهم يكون متعلم وعندودين واخلاق هدا اهم شى
بس برضو احنا البنات بنحب يكون الشب حلو شوى
بس فى بنات المهم انو يكون غنى حتى لو كان اكبرمنها بكتير

او مش متعلم بصراح مابعرف كيف هالبنات بيفكرو

واشى تانى ماتنسو تشدد الاهل يعنى البنت بدها واحد عادى لكن طلبات الاهل غير
مثلا
بيصيرو يحكو لا زم وظيفة ولا زم شقة وبعيدة عن اهلو
ولازم ولازم ...والله مساكين هالشباب

شكرا برنسيسة ع طرحك الرائع شو الواحد بدو يحكى اكتر من هيك
الله بعين