دي صورة الطقم اللي حاب يشترك معايا يحضرالخيط والابرة

بالنسبه للخيط ممكن خيط قطن جنجاه فتلته تخينه شويه ,,
ممكن كمان نستخدم القطن المصرى العادى ممكن كمان كوتون بارليه
او حتى خيط حرير
وطبعا الورشة منقولة
ندين يانتظارك ياقمر لابتداء الورشة


[ندعوك للتسجيل في المنتدى أو التعريف بنفسك لمعاينة هذه الصورة]

تسلمى يا قمره
جميلة جدا الفكره
انا موجوده معاكى
ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

ده الباترون

نبدأ طريقة العمل



1/ نعمل سلسله من 17 غرزه و حسب حجم الكب , يعنى اللى مقاسها كبير وعايزه تكبره شويه تزود كام غرزه بس متكترش لأن ممكن نزود تانى فى عدد السطور,, يعنى الزياده ف البدايه هتكون زياده فى الطول بس انما الزياده ف السطور هتزود حجم التغطيه بتاعه الكب اللى احنا هنعمله ,,
وطبعا مننساش نحط ف اعتبارنا حجم الخيط, لو الخيط كان تخين نقلل العدد بتاع الغرز شويه والعكس,,


يعنى فى المجمل هيكون عندنا تانى سطر بعد السلسله طوله حوالى 8 سم تقريبا لمقاس الكب المتوسط

ودى السلسله اللى انا عملتها 17 غرزه



[ندعوك للتسجيل في المنتدى أو التعريف بنفسك لمعاينة هذه الصورة]




2/ هنعمل بعد ما نخلص اخر السلسله ارتفاع 3 غرز كبدايه لسطر بغرزه العمود بلفه ,, و نلف فى ال سلسله اللى احنا عملناها حتى اخر غرزه فيها هنعمل فيها 3 غرز عمود بلفه و بعدين غرزه سلسله و كمان 3 غرز عمود بلفه , يعنى 6 عمود بلفه فى نصهم غرزه سلسله و نبدأ نكمل تانى الناحيه التانيه لحد ما نوصل لأخر السلسله اللى هى بدايه الشغل بتاعنا ,,
وهيكون الشكل عندنا زى الصوره دى و طبعا هو ده اللى طوله حوالى 8 سم ,,




[ندعوك للتسجيل في المنتدى أو التعريف بنفسك لمعاينة هذه الصورة]

3/ هنلف الشغل و نطلع بتلات غرز ارتفاع لعمود بلفه و هنكمل فى كل غرزه عمود بلفه لحد نص السطر هنلاقى الغرزه السلسله اللى بين ال 6 غرز اللى فى الغرزه اللى فى منتصف الشغل ,, هنعمل فى الفتحه دى برده 2 غرز عمود بلفه و غرزه سلسله و 2 كمان عمود بلفه و نكمل عادى حتى نهايه السطر بنفس الطريقه ,,

هنلاحظ ان الشغل بدأ ياخد كيرف كده منحنى شويه ,,
[ندعوك للتسجيل في المنتدى أو التعريف بنفسك لمعاينة هذه الصورة]


وعلى نفس المنوال هنعمل السطور الباقيه لحد ما عدد السطور يوصل ل 9 سطور ,, و طبعا اللى مقاسها كبير و عايزه تكبر الكب تزودلها كمان سطرين ,,,والعكس,, و هيكون الشغل بتاعنا بأمر الله بالشكل ده ,,



[ندعوك للتسجيل في المنتدى أو التعريف بنفسك لمعاينة هذه الصورة]

وطبعا كده هنكون خلصنا أول كب اللى المفروض قياساته للمقاس المتوسط كالأتى

لو تنينا الكب نصين كده هيكون
العرض حوالى 9 سم ,,

[ندعوك للتسجيل في المنتدى أو التعريف بنفسك لمعاينة هذه الصورة]



و الطول فى حدود 17 سم و طبعا الطول ده بنقدر نتحكم فيه بطول سلسله البدايه , يعنى اللى عايزه تخليه اقصر شويه تقدر تقلل شويه فى غرز سلسله البدايه ,,


[ندعوك للتسجيل في المنتدى أو التعريف بنفسك لمعاينة هذه الصورة]



و طول اصغر سطر فيه هيكون حوالى 9 سم برده ,,



[ندعوك للتسجيل في المنتدى أو التعريف بنفسك لمعاينة هذه الصورة]

و طبعا انا بنصح كل واحده وهى شغالها انها تقيس بالمسطره وتسجل فى ورقه عشان لما تخلص و المقاس مطلعش مناسبها تقدر تعرف هى المفروض تزود او تقلل اد ايه فى اى مرحله بالظبط و عشان لو حبت تعمل مره تانيه تبقى عارفه المقاس اللى المفروض تمشى عليه ,,

تسلمى يا قمره
شرح مميز وبسيط
تحياتى